4:38:00 ص
منقول + تم تعديل الصور
السلام عليكم ورحمة الله وبركاته
بما إنا الحين بفصل الصيف فكل شي مختلف عن الشتاء جا وقت الهبال والصداع والالوان الفاقعه والاشكال الغريبه والمحيوسهومن هالاشياء *الشعر المجعد*يعني تخيلوا معي شعر مجعد بفصل الشتاء تحسون الشكل غلط شوي
فيه بنات كثير يحبون الشعر المجعد وانا اولهم واشوف استفسارات كثير عن تجعيد الشعر عشان كذا راح افيدكم باللي عندي وانتوا راح تشاركوني وتعطوني خبراتكم وتجاربكم ♡ !
مع اني اشوف ناس كثير شعرهم مجعد ويبون شعرهم ستريت والي شعرها ستريت تبيه مجعد وبطتنا بطت بطتكم
شطحه : انا عن نفسي اذا جعدته احس بالانتعاش واني فري وكذانرجع لموضوعنا !..
نبغى نطلع لنا بموضوع عن تجعيد الشعر بدون حراره وفير والخ ،
لان صاحبه الشعر الاجعد كل ما صار شعرها تالف كل ما صار شكل التجعيد مو حلو حاولوا تبعدون عن الحراره قد ما تقدرون ♡ ! لاني عن نفسي اذا كان شعري تالف مايطلع شكل التجعيد مقوس يطلع كانه مربع وفيه زاويه وغبي ماقدر اوصفه من بشاعته ! حافظوا على شعركم خلوه على طبيعته دايم الا وقت المناسبات سووا فيه الي تبون ولو تخلونه مجعد بعد يكون احسن وفيه ملابس كثير وستايلات بالشعر الاجعد تطلع احلى .
اغلب البنات الي شعرهم مجعد خلقه يستشوورنه او يليسونه اهم شي يوخرون التجعيد ! ليش طيب ! ليش ما تقتنعين بشعرك !؟ ليش صاحبه الشعر الناعم تخليه على طبيعته ومقتنعه فيه وانتي لا ؟!ليش ما تتقبلين طبيعة شعرك وتحبينها نفس صاحبه الشعر الناعم ! صاحبه الشعر الناعم بتموت عشان تخلي شعرها يتجعد وانتي مستهينه فيه !! انتي تقدرين تخلين شعرك ستريت بس اهي المسيكينه ما تقدر تجعده ! وربي دايم اشوف بنات كل يوم ستريت وفجاه تخليه عالطبيعه عشان الانسه ماكفاها الوقت تتلف شعرها
شككله عالطبييعه يطلع احلى بكثير !
اوكي كلنا نطفش ونبي نغير شكلنا دايم بس مو بشكل يومي على حساب نتلف شعرنا !!انا مثلا ما اسويه ستريت الا كل شهرين
كل الي ابي اوصله كل وحده لازم تحب شعرها سواء كان ناعم او كيرلي .
هلموا لنأخذكم في جوله استكشافيه لنتعلم فيها انواع الشعر الاجعد لتتأملوا معي هذه الصوره قليلا < كيف اللهجه بس
راح نبدا من الاخف نوع للاقوى من ناحيه التجعيده :
1- straight hair : الي هو رقم 1 هالنوعيات شعرهم ما يتجعد ابد بس يطلع مموج بس انا عن نفسي يعجبني شكلهم اذا ينقال لهم جعدوا شعورهم , يطلع شكل الشعر مموج مرتب موب حوسه نفسنا وتحسون شعرهم كيوت وكذا 😂 . < هذي هي صاحبتنا المسيكينه
2-wavy hair : من رقم 2a الى 2c يسمي الشعر الويفي ويكون مشابه للحرفS من ناحيه شكل تموجه، وبالعاده تكون طبيعه الشعر ناعمه ويكون مرتب .
3- curly hair : من رقم 3a الى 3c الشعر الكيرلي يكون شكله لولبي شوي ويكون طبيعه الشعر ناشفه شوي وتحتاج ترطيب دائما واذا مشطتيه تطلع لك شوشه منكوشه بدون شكل < من قلب الحدث
4- kinky hair : من رقم 4a الى 4c الشعر الكِنكِي وهو يكون مشابه للحرف z واذا مشطتيه تطلع لك شوشه منكوشه بس فيها تمويجات خفيفه .
< بالنسبه لصاحبات هالنوعيه من الشعر ابيكم بمحاضره شوي انتوا والي نوعيه شعرهم خشن بس بدون شكل ♡♡ ! حبيبات قلبي انتم فيه بنات كثير يكرهون شعرهم ، وبعضهم يحبونه ومقدرينه ومهتمين فيه ويعرفون يظبطونه وماهمهم كلام الناس عن شعرهم هذول لهم وقفه وصفقه احترام ♥ ! بس ترا حتى انتي اذا شعرك هالنوعيه مو لازم كل شوي تسوينه ستريت عشان ما يبان نوعه او عشانك تتفشلين منه او تقولين يطلع مجعد وع ومنكوش مره كل الي عليك انك تحاولين ترتبينه اهم شي نخاف عليه شعرك يالحبيبه مانبيك كل شوي تتلفينهنوعيه شعركم تطلع حلوه مره بالتجعيد بس عشان ما يطلع منكوش مره مشطيه واهو مبلل قبل لا تجعدينه عشان يهدا شوي ويهبط وبيطلع جمميل صدقيني انتي لو بس تبللين شعرك بمويه وتسوينه بيدك عشان يطلع مرتب بيطلع شعرك حلو من دون كريمات ولا شي وما عليك من كلام الناس وخليك واثقه من نفسك يا جميله
♡ ♡ !
والفليكسي رود بتطلع حلوه عليكم وبنتعرف عليها بعد شوي ..
جا دور السؤال المنتظر واساس الموضوع الي هو كيف نجعد الشعر ؟!
انا راح اتكلم عن الاشياء الي جربتها انا مع العلم اني نوع شعري طبيعي مجعد واذا جعدته اكثر يطلع بين 3a و 3b .
اول طريقه و اغلب الناس يستعملونها :
بانتين بديل الزيت 😑 : انا بالنسبه لي ما احس يخلي النتيجه واو واول ما تحطينه يطلع شعرك قاسي كانك حاطه موس او رغوه على شعرك ويطلع شكله قبيح قلنا ماعليه بننام فيه واقل شي بيثبت الشكل اول ما اقوم من النوم مافيه ولا قطره ولا كاني حاطه شي وكل القساوه الي بشعري مختفيه ولا يعطي لمعه . تقييمي له : موب ذاك الزود . 2ونص من 5 . < نوع الي استعمله : امتزاج الطبيعه
شعري يطلع يشبه ذي بس على اخيس شوي ومو واضحه تجعيدته كثر ما مبين التجعيد على شعرها ويطلع مافيه نضاره ولمعه
ثاني طريقه والمشاغل يستعملونها :
الموس والجل : نصيحه ما تحطونه لانه بيطلع شكلك صناعي مره ومو حلو انا اول كنت احطه كانوا ينهبلون عليه البنات بس شكله صناعي مره وانا احب الشكل الطبيعي ويتلف الشعر . تقييمي له : 3من5 .
من ثلاث سنوات ماسويته فما اقدر اجيب نتيجه مشابهه لاني ما اذكر كيف شكل النتيجه اصلا بس اتذكر اني اخر مره حطيته ندمت وطلع شكلي مخيس
ثالث طريقه ♡ :
كريم خبراء الشعر المموج من صانسيلك : يعطي شعري لمعه ويخلي الشكل طبيعي ويثبت الشكل شوي لليوم الثاني ومن اول يوم احطه ما يطلع شكله كانه مبخوخ عليه سبري كامله وغبي زي بانتين تقييمي له : 3وثلاثه ارباع من 5 < درجة اختبار مو تقييم ! تقريبا شعري يطلع نفس هذي :
وهذي صورة الكريم :
رابع طريقه ♡ :
ال flexi rode :لحد يستهين فيها يا بنات عشانها تنباع عند ابو ريالينحتى اشوفها اختفت من السوق بس تراها بططططله انا ما جربتها بس شفت فيديو بس على شعر من النوع الاخير الي اجعد بقوه بس اتوقع لو نجربها ونحط كريم بتظبط انا كل مره اذا جيت اسويها ما اعرف اثبتها تجلس دقيقه وتطيح بس اشوف فيها شكل من دقيقه وحده لو اخليها يوم كامل اتوقع النتيجه بتطلع بطططططله ! بس انتوا اول ما تفكونها حوسوها بيدكم وفلفلوها عن بعض . تقيمي لها : 4 من 5 .
اذا سويتها يوم وثبتها زين بشعري قلت لكم النتيجه وهذا فديو كيف تحطونها :
https://www.youtube.com/watch?v=Sd3n_2Fe5m4
النتيجه:https://www.youtube.com/watch?v=AHrsm6i5CD8
ما قد جربته بس اتوقع بيطلع يشبه شعر هذي:
خامس طريقه :
مويه : اذا كان مالي خلق اظبط شعري اغط راسي بالمويه زي ما تغطون البسكوته بالشاهي < وحده جوعانهواجعده بيدي واحوس فيه والعب به واستناه ينشف . وطبعا هالطريقه نستخدمها مع كل ما ذكر سابقا بس اللهم تزيدين الكريم او البانتين او اي شي ثاني . تقييمي : 1ونص من 5 .
يطلع وصف شعري نفس هالشكل غبي وبايخ واغلبه مافيه شكل او مو واضح وتحسين بعض الشعرات متفرقه عن بعضها !
نصيحه لوجه الله : اذا كنتي تريدي ان تحصلي على شعر رائع عليك اجتناب ان تجففيه بالمجفف لان الحراره تجعله يذوب وتختفي التجعيده ويتلف الشعر . < خلوه ينشف طبيعي تطلع النتيجه احلى انا يمكن ينشف تماما عقب 4 ساعات بس اذا حطيتي الفليكسي رود اكيد بتجلس معك يوم كامل .
حتى وداد خبيره تجعيد الشعر الي بصانسيلك الي عندها صالون كامل للتجعيد والصالونات ماعندهم شي اسمه انطقي لين ينشف من نفسه وعلى طول استشوار عشان ينشف قالت خلوه ينشف طبيعي
-------
اخر خطوه تسوينها بشعرك عقب ما تجعدينه بأي طريقه اخترتيها مرري اصابعك بين شعرك كانك تمشطينه وفلفليه عن بعض او اقلبي راسك لتحت ودلكي فروه راسك عشان يطلع لشعرك فوليوم ويطلع شكل الشعر احلى.
وبالنسبه لكيف انام واحافظ على تجعيد شعري امسكه نخله بشباصه كبيره بس اقوم واهو خربان وحالته حاله بس يمشي الحال اهم شي ما احط سبري عشان ما يتلف شعري .
اخر شي ابي اقوله هو ان صاحبه الشعر الاجعد متعذبه فحياتها من شعرها ما تدري ايش تسوي فيه فليها وانا اختك واربطيه زي العالم وسوي فيه كعكه واهو مجعد والي تبين استانسي فيه وافرحي لان الشعر المجعد جميل بكل حالاته وزي ما صاحبه الشعر الناعم مخليته على طبيعته خلي شعرك على طبيعته وافتخري فيه لا كل البنات من حسسن شعرك يغاآرون .
